خاتون جج اور مجرم کلاس فیلو نکلے ۔۔ جج اور مجرم نے ایک دوسرے کو پہچانا تو دونوں کا ردعمل وائرل ہوگیا
عموماً سوشل میڈیا پر کچھ ایسا مواد موجود ہوتا ہے جو کہ سب کو حیران کر دیتا ہے۔
سوشل میڈیا پر وائرل ایک ویڈیو کلپ نے اس وقت سب کی توجہ حاصل کی جب کمرہ عدالت کا جج اور مجرم ایک ہی کلاس کے طالب علم نکلے ۔
عدالتی کاروائی کے دوران کمرہ عدالت میں کیمرے کی ویڈیو میں دیکھا گیا، کہ خاتون جج کاروائی کا آغاز کرتی ہے مجرم کو دیکھتی ہے، پہلے تو اسے شک ہوا لیکن جب خاتون جج نے مجرم کے کوائف کو پڑھا تو اچانک سہم گئی۔
گویا اسے معلوم ہو گیا کہ مجرم اس کا کلاس فیلو ہے، جس کے ساتھ وہ ایک ہی کلاس میں بیٹھا کرتی تھی۔
اور پھر ہمت کر کے خاتون جج نے پوچھ لیا کہ کیا آپ مجھ کو جانتے ہو؟ جس پر مجرم بھی حیران ہو گیا،، پہلے تو وہ نہ سمجھا لیکن جب خاتون جج نے تفصیلی بتایا کہ اسکول میں ایک لڑکی تھی ساتھ ہی خاتون جج نے ایک ایسی یاد کو تازہ کیا جو کہ دونوں کو یاد تھی، جس کا سن کر مجرم کی آنکھیں بھیگ گئیں۔
اس کا بس نہ چل رہا تھا اور نہ ہی وہ جذبات پر قابو رکھ پا رہا تھا اور زار و قطار رو پڑا، شاید اسے اس بات کا اندازہ ہو گیا تھا کہ وہ کتنا شرمندہ کو رہا ہے۔
سوشل میڈیا پر ویڈیو نے خوب توجہ سمیٹی، اگرچہ وہ ایک ہی کلاس کے طالب علم تھے تاہم اس کے باوجود خاتون جج نے کاروائی کو منطقی انجام تک پہنچایا اور اپنا کام قانون کے مطابق انجام دیتے ہوئے مجرم کو اپنا کلاس فیلو سمجھنے کے بجائے مجرم کو مجرم سمجھتے ہوئے قانونی کاروائی مکمل کی۔